ღვიძლის ცხიმოვანი დაავადება გულისხმობს ღვიძლში ცხიმის ჭარბ ჩალაგებას, არსებობს მისი სხვადასხვა ფორმა:
- ალკოჰოლის ჭარბ მოხმარებასთან ასოცირებული
- მეტაბოლურ დისფუნქციასთან ასოცირებული
- სპეციფიური ე.წ. სტეატოგენური მედიკამენტების გამოყენებასთან ასოცირებული.
მეტაბოლურ დისფუნქციასთან ასოცირებული ღვიძლის ცხიმოვანი დაავადება, როგორც წესი, თანხვედრაშია ისეთ პათოლოგიებთან, როგორიცაა:
- ტიპი 2 შაქრიანი დიაბეტი
- პრედიაბეტი
- ინსულინრეზისტენტობა
- სისხლში ქოლესტერინის მაღალი დონე
- არტერიული წნევის მატება
- სიმსუქნე.
აღსანიშნავია, რომ ზოგადად ღვიძლის ქრონიკული დაავადებებით, მათ შორის ღვიძლის ციროზის საწყისი სტადიით, პაციენტები, როგორც წესი, აღნიშნავენ არასპეციფიურ სიმპტომებს, როგორიცაა მაგალითად: ზოგადი სისუსტე, დისკომფორტი მარჯვენა ფერდქვეშა არეში. ამიტომაც, პათოლოგიის გამოსავლენად საჭიროა შესაბამისი ლაბორატორიულ-ინსტრუმენტული კვლევების ჩატარება.
დაავადების მართვა, უპირველეს ყოვლისა, გულისხმობს:
- ალკოჰოლის და ცხიმიანი პროდუქტის მიღებისგან თავის შეკავებას
- ფიზიკურ აქტივობას
- წონაში კლებას
- თანმხლები მეტაბოლური დარღვევების ეფექტურ კონტროლს.
აღნიშნული პათოლოგიით პაციენტები ხშირად საჭიროებენ ენდოკრინოლოგის და ჰეპატოლოგის მიერ კომპლექსურ მართვას.
მკურნალობის გეგმას ქმნის სპეციალისტთა ერთიანი, კოორდინირებული გუნდი, მათ შორის – ეკატერინე დოლმაზაშვილი, ექიმი ინფექციონისტი, გასტროენტეროლოგი, მედიცინის დოქტორი, ასოცირებული პროფესორი, რომელიც ერთობლივ გადაწყვეტილებას ღებულობს დაავადებისა და გართულებების მართვაზე.
წინასწარი ჩაწერისთვის დაგვიკავშირდით: (032) 2 57 57 57
მსგავსი სტატიები
Leave a Reply
Leave a Reply
